Проекти и конвенционален товар (Projects & Break Bulk)

Од фабрики до турбини на ветер - вие посакајте, ние ќе го преместиме

Нашите експерти од секторот Projects & Break Bulk ги извршуваат често спектакуларните процеси кои се однесуваат на транспортот на нестандардни стоки. Без разлика колку и да е голем товарот што треба да го преместите – гломазни челични компоненти, цели фабрики, јахти или специјални возила – нашите експерти се подготвени за предизвикот.

Не само што го превезуваме вашиот товар од точка А до точка Б - по море, внатрешен пловен пат, железница, ниски камиони или товарни авиони. Нашиот тим исто така ви нуди поддршка за секој дел од патот. Онаму каде што треба со задоволство ќе ви понудиме проширен пакет услуги, кој вклучува физибилити студии, проценки на маршрути, пакување, склопување и целосни проекти по принципот „клуч на рака“. Покрај стручноста и искуството на нашите основни пазари во Централна и Источна Европа и Азија, нашата глобална мрежа исто така овозможува ние – а и вие – да профитираме од докажаните специјалисти за project & break bulk ширум светот. Контактирајте нѐ веднаш!

Контактирајте нѐ

Колку поголемо, толку подобро

Со нашето долгогодишно искуство и соодветни знаења, планирањето и спроведувањето на посебен – а особено од голем обем – транспорт, се меѓу нашите основни надлежности. Тука ќе најдете информации за дел од нашите референтни проекти Break Bulk: од транспорт на контејнери со нестандардна големина и пратки Ro-Ro до користење вештачки меѓу-палуби и многу повеќе.

Преводници на виенското пристаниште

Пристаништето Алберн во Виена доби нова преводница како заштита од високите нивоа на вода. Поради својата огромна големина, преводницата се транспортираше во два сегменти (секоја со димензии од 39,9 x 8,3 x 3 метри, тежина: 142 тони) од Истанбул (Турција) до Виена. Во романскиот пристанишен град Констанца беше направен претовар од прекуокеански брод на речен брод.

Транспорт на мост

За време на реновирањето на операта во Осло и соседниот музеј на Мунк, беше поставен и нов пешачки мост. Gebrüder Weiss го транспортираше целиот мост од фабриката во Романија до градилиштето во Осло. Поради огромните димензии од 39 x 6,5 x 3 метри, моравме користиме пловечки кран за да го пренесеме мостот низ заливот Осло.

Пример за конвенционална испорака (Break Bulk)

Break Bulk“ е термин што се користи за да се опишат стоки за кои поради својата посебна природа (големина, тежина) е потребно посебно планирање, организација и извршување на транспортот. Секој транспорт е единствен Покрај конвенционалните товарни бродови, често користиме и специјални бродови.

Вештачка двојна палуба (Tween Deck)

За конвенционален (break bulk) транспорт на сандак од 60 тони со димензии 8 x 3 x 3,5 метри, користевме таканаречен вештачки tween deck, челична платформа со дрвен под за прицврстување на кутијата. Товарот беше пренесен со брод од Констанца, Романија до Шангај, Кина. Со ваквиот начин на транспорт, гломазните делови може да се натоварат на контејнерски бродови, чиј возен ред е генерално позбиен, а времето на транзит е пократко во споредба со стандардните товарни бродови.

RoRo (Roll on/Roll off) пратки

Пратките RoRo се дел од нашето портфолио на услуги Projects & Break Bulk: со помош на рампи безбедно се довезуваат различни видови товар на, и од бродот. Неколку примери од нашиот транспорт: Автобусите кои беа донесени од Шангај, Кина во Мелбурн, Австралија, 20 тони тешка пловна машина (12 x 2,6 x 3,3 метри) од Шангај, Кина до Ротердам, Холандија или 19 тони тешки машински делови, со димензии 6,73 x 6,73 x 0,80 m од Бремерхавен, Германија до Фремантел, Австралија.

Примери за транспорт на контејнери кои ги надминуваат димензиите (Out of Gauge)

Нашите вработени имаат долго и докажано искуство во поглед на контејнери кои ги надминуваат димензиите - транспорт на голем товар како што се генератори, машински делови или гломазни возила со помош на контејнери. На овој начин можеме да стигнеме до секоја дестинација во светот.

Копнен транспорт на преголеми пратки

Gebrüder Weiss ги има потребната стручност и соодветната мрежа на специјализирани партнери за извршување различни видови посебен транспорт на патишта низ Европа и териториите на ЗНД.

Сидра и синџири

1250 метри бродски ланци како и 33 метри долги и 81 тон тешки котви за усидрување - опрема за пловечка нафтена платформа - мораше итно да се транспортираат од Билбао (Шпанија) до Ротердам (Холандија). Со специјално изнајмен брод m/v TOVE, стоките беа преземени од два различни терминали во Билбао, а потоа беа заедно испорачани.

Африка: Несекојдневен предизвик

Пет комплетни постројки за мелење цемент – демонтирани на нивните составни делови – од Европа до Западна Африка. Нашиот тим успеа да се избори со овој несекојдневен предизвик за водечкиот производител на машини за рударската и цементната индустрија. Беше потребна речиси една година за сите делови од 11 различни погони за производство (во Австрија, Германија, Хрватска, Чешка, Словачка, Турција, Белгија, Шпанија, Полска, Холандија и Виетнам) да стигнат до своите дестинации.

Дестинација Гана

Следната нарачка од еден од водечките производители на машини за рударската и цементната индустрија се покажа како вистинска задача - комплетна постројка за мелење цемент наменета за Тема во Гана. Само цилиндарот за мелење тежеше 156 тони Вкупната големина на нарачката беше речиси 900 стандардни контејнери плус различни делови конвенционален товар.

Челични садови под притисок

Вкупната тежина на челичниот сад под притисок што го транспортиравме од Италија преку Швајцарија до Хјустон, Тексас, изнесуваше 70,5 тони. Испораката на резервоарот долг 13 метри се вршеше со камион со рамна платформа и Антонов 124, вториот по големина товарен авион во светот. Го организиравме целиот транспорт - од врата до врата.

Задача за транспорт „Опрема за пиварница“

GW Воздушен и поморски транспорт / задача за транспорт Weiss-Röhlig: 3.800 кубни метри искористена опрема од пиварница, вклучително и девет цистерни за пиво (долги 18 m/со дијаметар од 4,5 m) беа испорачани од Ерфурт (Германија) преку Бремен и Хјустон до Шинер, Тексас (САД).

13 кабли во ролна со јажиња за прицврстување

Задачата беше да се преместат тринаесет кабли во ролна со јажиња за прицврстување, од кои секој тежеше 72 тони и беше со дијаметар од 4,6 метри, од Њукасл на Тајн преку Блит до Ротердам. Материјалот требаше итно да се достави потребен за навреме да се инсталира на крајбрежјето. Со соодветни ниски приколки за пренос до пристаништето за натовар и наменскиот чартер брод m/v ANNE, транспортот беше успешно извршен и сите барања на клиентите беа исполнети.

Железнички шини од Белгија до Австрија

Со вкупна тежина од 2.500 тони и со димензии помеѓу 16,2 и 25 метри - шините на Voest Alpine Schienen GmbH, кои беа донесени од Антверпен, Белгија во Австралија со DOLFIJNGRACHT - патување долго 11.000 наутички милји. Транспортот го организиравме за австриската компанија за производство на челик со седиште во Линц

Транспорт по реката Јангце

2.000 кубни метри на делови од постројка беа донесени од Шангај во источна Кина до Лешан на југозапад - над 2.000 километри долго патување по реката Јангце.

Опрема за хемиско вбризгување

Со димензии од 15,35 x 7,50 x 8,20 метри, единицата може да се спореди со една семејна куќа - сето тоа со тежина од 120 тони. Започнавме со ноќно возење до пристаништето за натовар во Равена (Италија), каде што чартер бродот m/v CONSTANCE веќе беше таму и чекаше да го преземе товарот. Опремата за вбризгување беше испратена до бродоградилиштето во Гдањск (Полска), каде што беше инсталирана на платформа за дупчење нафта на бродоградилиштето.

Садови под притисок за постројка за уреа

GW го организираше и изврши преместувањето на четири тешки лифта од Линц (Австрија) до Ксинганг (Кина) во име на добро позната австриска компанија за инженерство и изградба на фабрики. Садовите под притисок тежеа од 81, 177, 245 и 253 тони а најголемото парче беше долго 26,5 метри.

Всисен колектор: Амбициозен проект за транспорт

Нарачка: да се транспортира всисен колектор за давател на целосни услуги за мали хидроелектрични централи од Приједор (БиХ) до Санкт Пелтен (Долна Австрија). Предизвикот при транспортот на оваа компонента беше прицврстувањето на товарот за време на натоварот. Поради исклучително кривиот облик, го врзавме со синџири за да осигуриме дека колекторот ќе стигне на целта без никакви оштетувања.

Камион и товар префрлени над тесно грло

Да сме брзи и флексибилни кога изнаоѓаме решение – тоа е дел од нашата работа како специјалисти за логистика. На пример, при ракувањето со каплан турбина, чиј транспорт го извршивме за еден добавувач на мали хидроелектрични централи до нова постројка за производство на електрична енергија. Улиците во малото гратче во Салцкамергут не се приспособени за турбина која е широка 4,70 метри и висока 3,90 метри. Тесното грло во центарот на Бад Гојзерн беше огромен проблем поради кој можеше да се стопира проектот. Набрзина решивме со помош на мобилен кран приколката од камионот, заедно со товарот, да ги подигнеме преку тесното грло и да си продолжиме со патот.

За нас

Одржливост

Локации

Референци

Управување со синџир на набавка

Транспорт

Логистика на складишта и е-Исполнување

Дигитални решенија

Портал за отворени работни места

Започнете ја вашата кариера

Поволности

Контакт

Алатки

Search